Мишээл Хүүхэд сан бол Швейцарь улсын иргэн шүдний эрүүл ахуйн мэргэжилтэн Габриелла Шмит-Корситтогийн “оюуны үр” билээ.

Габриелла (Габи) Шмит-Корситто Африкт Алберт-Швайцерын нэрэмжит эмнэлэгт явуулын шүдний эмнэлэг байгуулж өгөн олон жил үр бүтээлтэй ажиллан, Африкийн баруун бүс нутгийн олон мянган хүүхдэд нүүр амны эрүүл мэндийн тусламж үйлчилгээг хүргэж ирсэн арвин туршлагатай хүн юм.

Габи 2014 онд Монгол Улсад амьдарч эхэлсэн ба Анагаахын Шинжлэх Ухааны Үндэсний Их Сургуулийн Нүүр Ам Судлалын Сургуультай хамтран ажиллаж нүүр амны эрүүл ахуйч бэлдэх сургалтад хувь нэмэр оруулж эхэллээ. Сургалтын явцад Монгол хүүхдийн шүдний өвчлөл, амны хөндийн эрүүл ахуйн байдал, түвшинтэй анх танилцаж туслах хэрэгцээг олж харсан билээ.

Ийн 2015 онд Мишээл Хүүхэд санг үүсгэн байгуулж, Монгол шүдний эмч нарын баг бүрдүүлэн Улаанбаатар хотын асрамжийн газар, өдөр өнжүүлэх төвүүдэд анх удаа амны хөндийн эрүүл мэндийн хичээлийг зохион байгуулав. 2016 онд анхны хандив цугларснаар өнчин хүүхдүүдийн шүдийг үнэ төлбөргүй эмчлэх боломж бүрдлээ. Үүнээс хойш бид тогтвортой өсөж Улаанбаатар хот орчмын есөн асрамжийн газартай тогтмол хамтарч ажиллаж, хүүхдүүдээ үзэж, эрүүл өсөж хөгжихөд нь анхаарч байна. Бид хүүхдүүдэд нүүр амны тусламж үйлчилгээг үнэгүй хүргэхийн зэрэгцээ жил тутам амны хөндийн хяналтын үзлэгт хамруулж,эцэг эх, асран хамгаалагч, багш ажилтанд эрүүл хоололт, амны хөндийн эрүүл ахуйн сургалт явуулдаг.

2018 оноос бид хөдөө орон нутагт үзлэг хийн, явуулын шүдний эмнэлэг ажилууллан алс хөдөөгийн хүүхдүүдэд үнэ төлбөргүй шүдний эмчилгээ үйлчилгээ үзүүлэх боллоо. Одоо бид жилд хоёр удаа шүдний эмнэлэггүй сум, орон нутагт шүдний аян зохион байгуулж шүдний явуулын эмнэлэг ажиллуулж, нэг аянд ойролцоогоор мянга гаруй хүүхдийн шүдийг эрүүлжүүлж бйна.

2022 онд анх удаа УБ хотын гэр хороололд шүдний үзлэг, эмчилгээ зохион байгууллаа. Гэр хороололд шүдний тусламж үйлчилгээ мөн ялгаагүй нэн хэрэгцээтйэ байдаг.

Бидний дараагийн том төсөл бол гэр хороололд Нүүр Амны Эрүүл Мэндийн Төв байгуулах юм. Тэнд бид эмзэг бүлгийн хүүхдүүдэд шүдний эмчилгээ үйлчилгээг үнэ төлбөргүй хүргэхийн зэрэгцээ амны хөндийн эрүүл ахуйн боловсрол олгох нь нэн тэргүүний зорилт билээ.

Манай сангийн хүсэл зорилго мэргэжилдээ чадварлаг Монгол мэргэжилтнүүд, удирдах зөвлөлийн Монгол, Швейцарь, Герман гишүүд, олон олон сайн дурын