Misheel Kids Foundation | Bringing brighter smiles to children

Монгол орны алслагдсан бүс нутагт үзүүлсэн шүдний эмчилгээ-үйлчилгээ

Шүдний эмчилгээний аян

Шүдний эмчилгээний аян нь МХСангийн үндсэн тулгуур үйл ажиллагаа юм. Улаанбаатар хотын зорилтот бүлгийн хүүхдүүдэд шүдний эмчилгээ үзүүлэхээс гадна хүрч үйлчлэхэд хүндрэлтэй алслагдсан орон нутгийн хүүхдүүдэд шүдний эмчилгээ хийх боломжийг энэ аян бидэнд олгодог. 2018 онд МХСан хамгийн анхны Шүдний аяныг зохион байгуулж явуулын шүдний эмч нарын багтайгаа 2000 км замыг туулан Монгол орны хойд зүгт амьдран суудаг цаатан хүүхдүүдэд хүрсэн юм.

 

Үүнээс хойш жил бүрийн Шүдний эмчилгээний аяныг Монгол орны алслагдсан бүс нутагт 2 удаа зохион байгуулж байна. Энэ аяны хугацаанд 4 явуулын эмчилгээний нэгжтэйгээр манай баг өдөрт 60 хүүхдэд эмчилгээ хийдэг. Аянаар олон мянган километр зам туулж, тоног төхөөрөмжөө задалж угсран, байнга хувьсан өөрчлөгдөх хүнд хэцүү нөхцөлд ажиллах нь багийн эмч нараас ихээхэн хүчин зүтгэл шаардана. Гэвч орон нутгийн оршин суугчдын талархал бидэнд асар их аз жаргалыг бэлэглэж, дараагийн аяндаа гарах урам зоригийг өгдөг. Бидний очсон сууринд хүүхдээ авчирч үзүүлэхээр эцэг эхчүүд морь, машин, мотоцикл унасаар бэрхшээл саадыг туулан ирцгээдэг юм.

Дараа дараачийн аян

Бидний аялал тасрахгүй

Явуулын эмчилгээний аяны хүрээнд үзлэг, шүдний цэвэрлэгээ, сувгийн эмчилгээ, ломбо тавих, шүд авах зэрэг эмчилгээг үзүүлдэг. Дараагийн аянаа бид өмнө нь хийж гүйцэтгэсэн аяллуудынхаа туршлагад үндэслэн зохион байгуулж байна. Тийм учраас аялал маань илүү өргөн хүрээтэй, мэргэжлийн туршлагатай болж байгаа. Эмчилгээнээс гадна эмч нар эрүүл ахуйн зааварчилгаа, хоол тэжээлийн чиглэлээр эрүүл мэндийн боловсрол олгох замаар шүдийг цаашид гэмтээхээс аль болох урьдчилан сэргийлэх чиглэлд анхаарч ажиллах болно.

Жил бүрийн Шүдний эмчилгээний аяны хүрээнд эмчилсэн хүүхдийн тоо

  • 2018 оны Шүдний аян- 90 эмчлүүлэгч - туршилтын төслөөр
  • 2019 оны Шүдний аян - 349 эмчлүүлэгч
  • 2020 оны Шүдний аян - 728 эмчлүүлэгч – Ковид-19 цар тахал нөлөөлсөн
  • 2021 оны Шүдний аян - 2354 эмчлүүлэгч - 2 аян
  • 2022 оны Шүдний аян - 2334 эмчлүүлэгч - 2 аян
  • 2023 оны Шүдний аян - 2009 эмчлүүлэгч - 2 аян

Шүдний эмчилгээний аяны төлөвлөгөө

Аян хэрхэн өрнөдөг вэ

Шүдний эмчилгээний аянаа санхүүжүүлэхийн тулд бид монгол шүдний эмч нарын цалин, тээврийн хэрэгсэл, зочид буудал, ложистикийн чиглэлээр тусламж дэмжлэг хүсдэг. Шүдний эмчилгээний аян нь 15 хүний бүрэлдэхүүнтэй аялал бүр 14-20 хоног үргэлжилдэг. Шүдний эмчээс гадна орчуулагч, 2-3 жолооч бидэнтэй хамтран ажиллах шаардлагатай болдог.

 

Аяллын турш тээврийн хэрэгсэл, түлш, хоол хангамжийг зохион байгуулахын зэрэгцээ гадаад шүдний эмч нарыг байрлуулах зочид буудал Улаанбаатар хотод шаардагдана. Кемпински Хаан Палас зочид буудал бидэнд буудлын хөнгөлттэй үйлчилгээ үзүүлж, МSM Групп ХХК бидний аялал бүрийг тээврийн хэрэгслээр хангасаар ирсэн. Шүдний аялал эхэлсэн цагаас хойш Швейцарын Базель хотын Смайл Клиникийн шүдний эмч Др. Жак Щултэйс манай бүхий л аялалд дэмжлэг үзүүлсэн юм.

Шүдний эмч нар аяллын үеэр

Шүдний эмчилгээний аяллын сэтгэгдлээс

Newsletter

Мэдээллийн хуудас